O‘zbekiston Respublikasi Prezidenti Shavkat Mirziyoyev 30-yanvar kuni «Lukoil» kompaniyasining asoschisi Vagit Alekperovni qabul qildi.
Uchrashuv davomida O‘zbekiston iqtisodiyotining energetika sektorida yetakchi rossiyalik neft-gaz kompaniyasining loyihalarini amalga oshirish bilan bog‘liq masalalar muhokama qilindi. Ulardan biri geologik qidiruv ishlari o‘tkazish va uglevodorodlarning istiqbolli konlarini o‘zlashtirish, infratuzilmani modernizatsiya qilish va neft mahsulotlarini chakana savdosi tizimini rivojlantirishdir.
Kompaniyaning mamlakatimizdagi faoliyatini kengaytirish rejalari bo‘yicha fikr almashildi. Mutaxassislarni tayyorlash va ishga joylashtirish, ijtimoiy ahamiyatga ega dasturlarni amalga oshirish masalalariga alohida e’tibor qaratildi.