Uchrashuv davomida davlat rahbari iqtisodiyotni diversifikatsiya qilish va uning o'sishini rag'batlantirish bo'yicha topshiriqlarni amalga oshirish jarayoni bilan tanishtirildi. Bosh vazir real sektorni qo'llab-quvvatlash bo'yicha ko'rilayotgan chora-tadbirlar va iqtisodiy barqarorlikni yaxshilash maqsadida infratuzilmani modernizatsiya qilish dasturlari haqida ma'lumot berdi.
Alohida e'tibor isitish mavsumiga, bahorgi dalaviy ishlar uchun tayyorgarlik va toshqinlarni oldini olish choralariga qaratildi.
Shuningdek, Oljas Bektenov davlat boshqaruvi tizimiga zamonaviy raqamli texnologiyalarni joriy etish bo'yicha ma'lumot taqdim etdi. Bu tadbirlar biznesni qo'llab-quvvatlash va xususiy investitsiyalarni jalb qilishga qaratilgan.
Uchrashuv yakunida Qosim-Jo'mart Toqayev iqtisodiyotni barqaror o'sishini ta'minlash va diversifikatsiya qilish bo'yicha harakatlarni faollashtirishni topshirdi. Prezident infratuzilmani rivojlantirish, energetikani modernizatsiya qilish va kommunal xizmatlarni yaxshilash bo'yicha masalalarni hal etishda tizimli yondashuvning ahamiyatini ta'kidladi.