Prezident Malayziyada Islom san'ati muzeyini ziyorat qildi.

Shuni ta'kidlash kerakki, Islom san'ati muzeyi mamlakatning eng yirik muzey fondlaridan biridir. 1998 yilda tashkil etilgan.

Muzey an'anaviy islom arxitekturasi uslubida qurilgan. Kompleksning umumiy maydoni 30 ming kvadrat metrdan ortiqni tashkil etadi.

Bino kupolining ichki bezaklari va restavratsiya ishlari O'zbekiston ustalari tomonidan amalga oshirilgan.

Bu yerda 10,000 dan ortiq islom san'ati eksponatlari saqlanadi. Doimiy ko'rgazmada – noyob Qur'on qo'lyozmalari, keramika va qimmatbaho buyumlar, qurol namunalar va inshootlar maketlari, bezaklar, numizmatika ob'ektlari va boshqalar mavjud.

Muzey fondida zamonaviy O'zbekiston hududida yaratilgan 200 ga yaqin noyob artefaktlar alohida o'rin tutadi. Ulardan o'rta asr qo'lyozmalari, zargarlik buyumlari, mashhur abru to'qimalari va aholi kiyimlari namunalarini, Sharq Renessansi davriga oid keramika namunalari o'rin olgan.

Eksponatlarni ko'rish davomida davlatimiz rahbari birgalikda tadqiqotlar o'tkazish va ko'rgazma tadbirlarini tashkil etish, ilmiy va madaniy almashuvni kengaytirish zarurligini ta'kidladi.