O'zbekiston prezidenti O'mon bilan o'zaro manfaatli hamkorlikni yanada kengaytirish muhimligini ta'kidladi.
O‘zbekiston Respublikasi Prezidenti Shavkat Mirziyoyev 24-fevral kuni Oman Sultanligining Tashqi ishlar vaziri Badr bin Hamad al-Busaidini qabul qildi.
789
0Suҳbat boshida vazir davlatimiz rahbariga Oman sultoni Haysam bin Taroq Al Saidning samimiy salomlarini va shaxsiy xatini yetkazdi.
Ikki davlat o‘rtasidagi o‘zaro manfaatli hamkorlikni yanada kengaytirish masalalari, avvalambor savdo-iqtisodiy va investitsiya moliya sohalaridagi hamkorlik imkoniyatlarini ochish muhokama qilindi.
O‘zaro idoralararo va tijorat aloqalarining faollashgani mamnuniyat bilan ta’kidlandi. O‘zaro savdo hajmi va qo‘shma korxonalar soni oshmoqda, ikki davlatning yetakchi kompaniyalari ishtirokida muntazam ravishda biznes tadbirlari o‘tkazilmoqda.
Amaldagi qo‘shma Investitsiya kompaniyasi portfelini yangi hamkorlik loyihalari hisobiga oshirishga alohida e’tibor qaratildi.
Ushbu yil aprel oyida navbatdagi Hukumatlararo komissiya yig‘ilishi va qo‘shma biznes-forum o‘tkazilishi rejalashtirilmoqda.
Bundan tashqari, parlamentlararo aloqalarni rivojlantirish, madaniy-gumanitar almashinuvni kuchaytirish va to‘g‘ridan-to‘g‘ri havo aloqasini yo‘lga qo‘yish muhimligi ta’kidlandi.
Shuningdek, may oyida Samarqand shahrida bo‘lib o‘tadigan “Markaziy Osiyo – Qora dengiz mamlakatlari” muloqotining ikkinchi sammitiga tayyorgarlik bo‘yicha muloqotlar o‘tkazildi.