Toshkent avtobuslari: Narxlar, xizmat va aholining fikri

Avtobuslar Toshkent shahridagi jamoat transportining ajralmas qismi bo'lib, har kuni minglab yo'lovchilar ulardan manzilga yetib borish uchun foydalanishadi. Redaksiyamiz tomonidan o'tkazilgan so'rov natijalari Toshkent avtobuslari, taqdim etilayotgan xizmatlar, narxlar va yaratilgan qulayliklar haqida to'liqroq tasavvur olishga yordam berdi.

Asia-Plus nashrida 2023 yil 25-aprel kuni e'lon qilingan ma'lumotlarga ko'ra, Toshkent avtobuslarida to'lovlar Markaziy Osiyo poytaxtlari orasida eng pastdir. Xususan:

Toshkent: 0,11 dollar;

Ashxobod: 0,12 dollar;

Dushanbe: 0,17 dollar;

Nur-Sulton: 0,20 dollar;

Biškek: 0,35 dollar.

Markaziy hududlarda o'tkazilgan so'rovda ishtirok etganlarning ko'pchiligi avtobuslardan muntazam ravishda foydalanishlarini ta'kidladi. Ba'zi respondentlar esa avtobuslardan juda kam yoki umuman foydalanmasliklarini, metro yoki shaxsiy avtomobilni afzal ko'rishlarini bildirdilar.

Shuningdek, respondentlar avtobuslarning sanitariya holati, xavfsizlik darajasi, xizmat ko'rsatish sifatini va xodimlarning ishini 10 ballik tizimda o'rtacha 7-8 ball bilan baholadilar. “Umuman olganda, avtobuslar yaxshi, toza va xavfsiz, lekin ba'zi yosh konduktorlar ba'zida yo'lovchilarga nisbatan mulohazali bo'lishmaydi, ehtimol, ularga yanada odobli bo'lish kerak”, – deya fikr bildirdilar ba'zi respondentlar.

Biz shuningdek, imkoniyatlari cheklangan insonlar bilan ham suhbatlashdik. Ularning aksariyati avtobuslardan kamdan-kam foydalanishlarini, lekin xizmatlardan qoniqish bildirishlarini aytishdi. Bu esa transport tizimining inklyuzivlikka intilishini ko'rsatadi.

Bizning so'rovimizning eng muhim savollaridan biri to'lov narxi haqida bo'ldi. Bugungi kunda Toshkent avtobuslarida to'lov naqd pulda 2000 so'm va elektron to'lovda 1700 so'mni tashkil etadi. So'rov natijalariga ko'ra, ko'pchilik yo'lovchilar bu narxni “o'rtacha” va qulay deb hisoblaydilar.

Yo'lovchilardan takliflar

So'rov ishtirokchilari avtobus xizmatlarini yanada yaxshilash va qulayliklarni oshirish bo'yicha o'z takliflarini bildirdilar. Xususan, ular yangi marshrutlarni joriy etishni, tungi avtobus reyslarini tashkil etishni va ba'zi xodimlarning yo'lovchilar bilan muloqotini yanada odobli qilishni taklif qildilar.

Xulosa

Olingan fikrlar tahlili Toshkent jamoat transporti tizimi sifatli, arzon va muntazam xizmatlar ko'rsatib, yo'lovchilarni muvaffaqiyatli xizmat bilan ta'minlayotganini ko'rsatdi. Bu orqali yo'lovchilar o'z manzillariga qulay tarzda yetib borishlari mumkin.

Muallif: Ilxomjon Sobirov

*Reklama huquqi bilan