«Davlat rahbari tomonidan Eshkarayev Azamat Nesipbaevich adliya vaziri lavozimidan ozod qilindi», — deb yozilgan rasmiy xabarda.
Azamat Eshkarayev Qozog‘iston davlat yuridik akademiyasining bitiruvchisi. U 2000 yilda Adliya vazirligida mutaxassis sifatida faoliyatini boshlagan va 2005 yilgacha turli lavozimlarda ishlagan. Shundan so‘ng, Almaty shahrining akimi tomonidan bosh inspektor lavozimiga tayinlangan.
2006–2007 yillarda Eshkarayev «Qazyna» barqaror rivojlanish fondining yuridik xizmatlar departamentida ishlagan, keyin esa yana Adliya vazirligiga qaytgan.
2012 yildan 2014 yilgacha u Qozog‘iston Respublikasi iqtisodiy va korrupsion jinoyatlarga qarshi kurash agentligi inspektsiyasining tashkiliy nazorat departamentini boshqargan. 2014–2019 yillarda esa Bosh vazirning idorasida yuridik bo‘limi mudirining o‘rinbosari bo‘lib ishlagan va 2019 yil yanvaridan 2023 yil yanvarigacha ushbu bo‘limga rahbarlik qilgan.
2023 yil 4 yanvarda Prezident farmoni bilan Azamat Eshkarayev adliya vaziri lavozimiga tayinlangan.
Keyinchalik, Akorda yangi adliya vaziri sifatida Erlan Sarsembayev tayinlanganini ma'lum qildi.