Bu haqda Sog'liqni saqlash vazirligi ma'lum qildi. O'tgan yilda xizmatga jami 13,5 million qo'ng'iroq kelib tushgan.
"Tez tibbiy yordam ko'rsatishning sifati avvalo "103" brigadalarining chaqiruvga vaqtida yetib kelishi bilan belgilanadi. Biroq, biz ko'pincha fuqarolardan tez yordam mashinalarining bemorlarga kechikayotgani haqida shikoyatlar eshitamiz. Bu ko'pincha soxta chaqiruvlar sababli sodir bo'ladi", – deya ta'kidladi vazirlik.
Tahlil shuni ko'rsatdiki, eng ko'p soxta chaqiruvlar Samarqand viloyatida qayd etilgan – 645. "Yetakchilar" uchligiga esa Qashqadaryo (436) va Farg'ona (259) viloyatlari ham kirgan.
Eng kam soxta chaqiruvlar Sirdaryo viloyati aholisidan qayd etilgan – 17.