O'zbekiston Prezidenti va Chernogoriya Prezidenti o'rtasida uchrashuv bo'lib o'tdi.
UNning iqlim o'zgarishi bo'yicha COP29 konferensiyasi doirasida Boku shahrida O'zbekiston Respublikasi Prezidenti Shavkat Mirziyoyev Chornogoriya Prezidenti Yakov Milatovich bilan uchrashuv o'tkazdi.
Ushbu uchrashuvda siyosiy, savdo-iqtisodiy va madaniy-gumanitar hamda turizm sohalarida o'zaro foydali hamkorlikni rivojlantirish yo'llari muhokama qilindi.
Iqtisodiy kun tartibini ishlab chiqish maqsadida Hukumatlararo komissiya tuzish va uning birinchi yig'ilishini kelgusi yil Toshkent shahrida biznes-forum bilan o'tkazish taklif qilindi.
Bundan tashqari, savdo-iqtisodiy hamkorlik va investitsiyalarni himoya qilish bo'yicha asosiy kelishuvlar tayyorlanadi, ustuvor yo'nalishlar bo'yicha sanoat hamkorligini rivojlantirish uchun "yo'l xaritasi" ishlab chiqiladi.
Shuningdek, yuqori darajadagi kelgusi uchrashuvlar jadvali ko'rib chiqildi.