Tesla avtomatlashtirilgan avtobus va avtomatlashtirilgan taksi taqdim etdi. Transport vositalari Robovan va Cybercab nomlarini oldi. Ikkala yangilikni Elon Musk "We, Robot" tadbirida taqdim etdi, deydi The Verge.
Robovan tashqi ko'rinishi bo'yicha metro vagoniga yoki aeroportlarning qo'nish-qo'ndirish yo'lagida harakatlanuvchi mikroavtobusga o'xshaydi. U 20 kishigacha yoki yuklarni tashiy oladi, g'ildiraklari esa deyarli ko'rinmaydi.
«Robovan — bu yuqori zichlik muammosini hal qiladigan narsa. Agar siz sport jamoasini bir joyga olib borishni yoki safar narxini, bilmayman, miliga 5–10 sentga kamaytirishni xohlasangiz, Robovanni ishlatishingiz mumkin», — dedi Elon Musk.
0Cybercab — robotaksi — rul va pedallarsiz. Eshiklari yuqoriga ochiladi, ichida esa faqat ikkita yo'lovchi uchun joy mavjud. Zaryadlash porti ham yo'q — elektr avtomobil simsiz elektromagnit induksiyasi yordamida zaryadlanadi.
Muskning so'zlariga ko'ra, avtomatlashtirilgan avtomobillar inson tomonidan boshqariladigan transport vositalariga nisbatan 10–20 barobar xavfsiz bo'ladi. Shuningdek, safar narxi miliga 20 sentgacha qisqaradi (shahar avtobusidagi 1 dollar bilan taqqoslaganda).
Cybercab ishlab chiqarilishi 2026 yoki 2027 yillarda boshlanadi. Kompaniya avtomatlashtirilgan avtomobillarni umumiy foydalanish yo'llarida ishga tushirish uchun tegishli regulyatorlardan ruxsat olishga majbur bo'ladi.